A kong pơlê Lâm Đồng, tơdroăng tơkêa bro troăng kân tơdrăng ki kal dêi tơnêi têa dế tơbleăng pêi tơdrêng. Tơdroăng pro troăng kân Tân Phú – Bảo Lộc, tiô tơdroăng pêi cheăng krê kuăn pơlê, ai tâi tâng ki xŏn 66km, tung mê, pơla troăng tơkâ kong pơlê Lâm Đồng xŏn lối 55km, pơxiâm pro hâi lơ 19/ 12/ 2025. Tơdroăng gu tơbăng lĕm tơnêi, chêl thiăn liăn châ tơbleăng pêi ing khế 10 hơnăm 2025. Troh nôkố, kong pơlê hiăng kĭ troăng hơlâ chêl thiăn ăm 590/898 rơpŏng kuăn pơlê ki tơdjâk.

Bă Tơdroăng tơkêa pro troăng kân Bắc – Nam peăng mâ hâi Lu, pơla troăng Gia Nghĩa - Chơn Thành tâi tâng ki xŏn vâ chê 129km, tung mê, pơla troăng tơkâ luâ kong pơlê Lâm Đồng xŏn lối 23km hiăng ai 135/152 rơpŏng kuăn pơlê châ kĭ troăng hơlâ ăm liăn, tiô tối hdrối kô pê klêi tung khế 1/2026. Ƀă troăng kân tơdrăng lĕm Bảo Lộc - Liên Khương, xŏn lối 74km, hiăng ai 2.347 hồ sơ  kơpêng 2.464 hồ sơ châ kĭ kô ăm liăn. Riân tơdjuôm 3 tơdroăng tơkêa pro, kơxô̆ hồ sơ chêl thiăn liăn ki xo tơnêi tíu châ kĭ vâ ăm liăn hiăng châ lối 87%.