Kố cho pơkâ châ tơbleăng a rôh Hôp má 5 Khu kăn xiâm pơkuâ hnê ngăn Đảng ƀô̆ Vi ƀan kuăn pơlê kong pơlê Lâm Đồng hneăng 2025-2030 nếo tơkŭm po. Tung 6 khế apoăng hơnăm 2026, mơhé trâm hên xơpá pơloăng mơnúa la Lâm Đồng xuân pêi châ tơƀrê hên tung mâu tơdroăng cheăng. Xo liăn ngân tơnêi têa riân châ dâng 18.600 rơtal liăn, tơ’mô ƀă 54% tiô tối hdrối dêi kong pơlê.

Lâp tung kong pơlê ai lối 2.600 khu mơdró chêh inâi mơjiâng nếo ƀă tâi tâng kơxô̆ liăn pêi lối 12.000 rơtal liăn. Tơmối troh ôm hyô a Lâm Đồng riân châ vâ chê 12 rơtuh ngế, tâ 16% tâng vâ pơchông ƀă hơnăm nah. Pôa Hồ Văn Mười, Kăn xiâm hnê ngăn Vi ƀan kuăn pơlê kong pơlê Lâm Đồng pơkâ thế mâu khu tơrŭm hnê ngăn cheăng Đảng, kăn ƀô̆, đảng viên pơtối rak hnoăng cheăng pêi, mơdêk tơrŭm môi tuăn, hbrâ rơnáu, pêi kơtăng tung tơdroăng cheăng pêi; tơkŭm hnê pêi tơdrêng mâu troăng hơlâ vâ pê klêi pơkâ tâk cheăng kâ péa kơxô̆ tung hơnăm 2026.