Ing mê, kong pơlê pơkâ thế mâu pơlê cheăm, kơ koan , tíu pêi cheăng ki pơkuâ ‘no liăn cheăng pê klêi tơdroăng mơjiâng, mơnhên ngăn ƀă kĭ mơ-éa ki pơkâ hdró kơphô̆, thôn pơlê; mâu cheăm thế pê klêi pơkâ hdró tơdjuôm râ cheăm tung pơla sap khế pŭn troh khế tơdrốu hơnăm kố. Khu rak ngăn tơdroăng tơkêa bro ‘no liăn pêi cheăng mơjiâng kơxô̆ 1 châ pơcháu chêh pơkâ hdró tơdjuôm kơ phô̆ ƀă 5 to bêng ki achê ƀă mê cho Xuân Hương - Đà Lạt, Lâm Viên - Đà Lạt, Xuân Trường – Đà Lạt, Cam Ly – Đà Lạt  ƀă  Lang Biang – Đà Lạt, pê klêi tung khế 8 la ngiâ.

Pakĭng mê, tơbleăng pơkâ hdró tơdjuôm kơphô̆ ƀă 4 bêng ki achê dêi pó kơpong Bảo Lộc klêi ai veăng tối dêi Khu kăn pơkuâ hnê ngăn Đảng kong pơlê. Khu rak ngăn tơdroăng tơkêa bro ‘no liăn mơjiâng pro kơxô̆ 2 pro mâu hlá mơ-é pơkâ hdró tơdjuôm kơphô̆ ƀă 6 to bêng ki achê ƀă kơpong Phan Thiết ƀă 2 bêng ki achê Phước Hội - La Gi, pê klêi tung khế 6 kố. Ƀă kơpong ôm hyô tơnêi têa long Tuyền Lâm, rĕng châ pơcháu chêh pơkâ tưdjuôm troh hơnăm 2025 klêi tơdroăng cheăng pơkâ hdró châ kĭ.