A leh tơbâ, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế, maluâ tung mâu tơdroăng ki lâi, khu lêng gâk kring tơpui kâ athế cho khu ki môi tuăn tơdrăng khât ƀă Đảng, Tơnêi têa ƀă kuăn pơlê, athế rak vế krá rơdêi túa pơkâ rak tơniăn tơdroăng pơkuâ, tâi tâng ‘na mâu tơdroăng cheăng dêi Đảng, tơdrêng cho Đảng ủi Kŏng an Tơnêi têa ƀă kăn pơkuâ Khu xiâm ngăn Kŏng an; tơrŭm krá tơniăn ƀă kơ koan ki ai tơdjâk.

Kăn xiâm hnê ngăn Kuô̆k hô̆i pơchân mơjiâng khu Kŏng an kuăn pơlê tối tơdjuôm ƀă khu lêng Gâk kring tơpui kâ tối krê rơkê, ƀĕng ƀeăn. Kơ koan cheăng tơnêi têa iâ, pêi cheăng xêt tơƀrê, châ tiô tơdroăng pơkâ thế tung tơdroăng a kong têa ê ki hên tơdroăng ƀă pơhlêh xúa kong ngê̆ rơdêi nôkố.

Teăng mâ kăn pơkuâ Đảng, Tơnêi têa, pôa Trần Thanh Mẫn, Kăn xiâm hnê ngăn Kuô̆k hô̆i hiăng diâp Mê dái Hồ Chí Minh ăm khu lêng gâk kring tơpui kâ hiăng kơhnâ rơkê tung tơdroăng veăng gum ivá pêi cheăng ăm hnoăng cheăng kăch măng dêi Đảng, dêi hdrông mơngế.