Leh mơhnhôk châ tơkŭm po tung rôh lăm pêi cheăng “500 hâi măng mơdêk lăm tăng kơxêng kiâ mâu mố đô̆i ki hlâ xua tơplâ”, pêi pro mâu tơdroăng cheăng vâ troh tơbâ 80 hơnăm Hâi mâu lêng rong râ - hlâ hía lơ (27/7/2027). Tơbleăng hnê mơhno a rôh leh, jâ Phạm Thị Thanh Trà, Phŏ Ngế pro xiâm hnê ngăn Chin phuh, Ngế pơkuâ khu hnê mơhno tơnêi têa ‘na tăng rôu tơkŭm ƀă mơnhên inâi a kơxêng kiâ tối nhên, tơdroăng mơnhên inâi hơnăm a kơxêng mơngế hlâ ai hnoăng cho tơdroăng cheăng pêi ki tĭng ƀă mâu ngế hiăng hlâ xua vâ rak tơniăn krê, hlâu hlĕng dêi tơnêi têa.

Nôkố lâp tơnêi têa ai lối 175 rơpâu ngế hlâ ai hnoăng hâi tăng hlo kơxêng malối 300 rơpâu ngế hlâ ôh tá ‘nâi xiâm pơlê ing lâi. Kố cho tơdroăng tô tuăn kân dêi khu cheăng kal kí ƀă tâi tâng hdroâng mơngế. Tơdroăng pêi pro tĭng mê dế hnan thế lâp tơnêi têa hlối cho hnoăng cheăng pêi ton nah, hlối cho kal tơdrêng pêi rĕng klêi tơdrêng ƀă khế hơnăm. Klei leh mơhnhôk mâu kăn hlo ƀă mâ tơdroăng xo ngăn túa vâ mơnhên ADN on veăng nhŏng o xiâm  kuăn pơlê tung Pơlê kong kân Hà Nội.