Tơtrŏng má môi, Chin phuh mơjiâng 26 khu râ kăn pêi cheăng xua mâu kăn cheăng tung Chin phuh pơkuâ pêi cheăng tơdrêng tah lôi pá puât ăm mâu kong pơlê: Tung 6 khế apoăng hơnăm kố, Chin phuh ƀă mâu khu xiâm, kơ koan Tơnêi têa hiăng thâ, pêi kơtăng hnê mơhno ƀă tơbleăng 01 pơkâ, 02 pơkâ dêi Ngế pro xiâm hnê ngăn Chin phuh, 05 hlá mơ-eá pơtroh, 04 mơ-éa hnê mơhno ƀă hên mơ-éa ki ê.

Vâ pơtối pêi pro rĕng tơdroăng mơ’no liăn pêi pro tơdroăng pơkâ xiâm tơnêi têa, Ngế pro xiâm hnê ngăn Chin phuh pơkâ, mâu Khu xiâm, kơvâ cheăng kong pơlê thâ tơrŭm ƀă Khu xiâm pơkuâ liăn ngân ƀă mâu khu xiâm, kơ koan pơkuâ tơdroăng tơkêa bro ki ku kŭn vâ tơbleăng kơxô̆ liăn pêi cheăng tơnêi têa hơnăm 2024 – 2025.

Vi ƀan hdroâng kuăn ngo pơkuâ, tơrŭm ƀă mâu khu xiâm, kơ koan pơkuâ tơdroăng tơkêa bro ki ku kŭn séa ngăn tâi tâng Tơdroăng pơkâ xiâm tơnêi têa mơnhông mơdêk cheăng kâ – rêh ối pơlê pơla kuăn pơlê hdroâng kuăn ngo ƀă kong ngo hneăng má I, mơjiâng hô sơ pơkâ hơ’lêh tơdroăng xiâm Pơkâ kĭ Tơdroăng pơkâ tiô tro pơkâ, hdrối kơ’nâi, mơ-éa dêi luât ‘na mơ’no liăn cheăng tơnêi têa.