Ngế pro xiâm hnê ngăn tơnêi têa kheăn kơdeăn Khu xiâm pơkuâ mô đô̆i hiăng kêi đeăng rơkê hnoăng cheăng hơnăm 2025, mơnhông kơmăi kơmok gâk kring tơnêi têa, hbrâ pháu hnêa, răng pháu, kơmăi kơmok kih thuât ăm mâu lêng tiô troăng rơxông nếo. Tung la ngiâ, Ngế pro xiâm hnê ngăn Chin phuh pơkâ Khu xiâm pơkuâ mô đô̆i pơtối hlê plĕng, pêi pro kơtăng, châ tơƀrê mâu hnê mơhno dêi Đảng, ki xiâm cho pêi pro lĕm păng ‘nâng ‘’2 rak krá tơdroăng vâ pêi, 2 mơdêk rơdêi, 2 hbrâ mơdât’’; ‘’5 krá’’; hbrâ pơhlêh nếo, tơmiêt pêi rơkê, hriăn plĕng, mơjiâng pro pháu hnêa răng pháu ki rơkê, tiô rơxông nếo, pêi pro ƀlêi trâng hnoăng cheăng hơnăm 2026.

Tâi tâng khu lêng tơkŭm pêi pro hnoăng cheăng mơjiâng Khu lêng kăch măng, chính quy, ƀeăn ƀĕng, tiô rơxông nếo; pêi pro ƀeăn ƀĕng, păng ‘nâng, châ tơƀrê mâu tơdroăng cheăng tơpui kâ gâk kring tơnêi têa; mơnhông troăng pêi pơkuâ xêh, mơ-eăm xêh, rơdêi pêi pro mâu hnoăng cheăng kơmăi kơmok gâk kring tơnêi têa, tơdroăng tŏng gum pa rŏng, kih thuât.