A rôh pêi cheăng, pôa Trần Hồng Minh môi tuăn ƀă kong pơlê ‘mâi pơhlêh ‘no liăn pro troăng kân Nha Trang – Liên Khương chiâng mot tung hneăng 2026-2030; pơcháu ăm ngế ki pơkuâ ngăn ăm kong pơlê Khánh Hòa. Ƀă tơdroăng tơkêa pro troăng prôk peăng Kơnhŏng – peăng Hdroh peăng mâ hâi Lâ, troăng Pleiku – Buôn Ma Thuột – Gia Nghĩa, pơcháu ăm kong pơlê Dak Lak cho kơ koan pơkuâ.

Ƀă tơdroăng ki ‘mêng pro troăng kân 27, ‘mot tung tơdroăng pro troăng tơdjuôm dêi kong pơlê ƀă pâ liăn tŏng gum dêi Tơnêi têa. Vâ thăm mơdêk ivá tơdjêp mơnhông cheăng kâ dêi kong pơlê Lâm Đồng, pôa Trần Hồng Minh pơkâ thế mơdêk rĕng tơdroăng pro mâu troăng prôk ki kal, môi tiah: Bảo Lộc - Liên Khương; Tân Phú (tỉnh Đồng Nai) - Bảo Lộc (kong pơlê Lâm Đồng); troăng kân peăng Kơnhŏng – peăng Hdroh - Nam phía Tây, troăng Gia Nghĩa - Chơn Thành; ‘no liăn ‘mêng pro 3 to kơno tuk dế ai nôkố dêi kong pơlê. ‘Na troăng tơƀai, ƀă tơdroăng tơkêa ‘no liăn lối 1 rơpâu rơtal sap ing khế 3 troh khế 9 la ngiâ ƀă tơraih tơƀai Phan Thiết.