Troh hâi lơ 30/5, mâu khu cheăng tung lâp tơnêi têa hiăng châ hlo lối 2.000 roh tơdroăng, tơpui ƀă pêi pro lối 1.600 rôh tơdroăng; tâi tâng kơxô̆ liăn pơxâu phâk liăn ngân lối 17,8 rơtal liăn, ki kơnâ tơmeăm khoăng ki pro xôi vâ chê 115,6 rơtal liăn. Mơnhên tơdroăng mơ-eăm dêi mâu khu xiâm, kơvâ cheăng ƀă kong pơlê, pôa Hồ Quốc Dũng, Phŏ Ngế pro xiâm hnê ngăn tơnêi têa tối tơdroăng tơplâ mơdât, tơpui ƀă pêi pro pơxâu tơdroăng pro xôi tá hâi tơxâng pơkâ, tơdrêng amê tơdroăng hlê plĕng pêi pro luât ‘na pơkuâ tuăn ngôa rơkê dêi hên khu tơrŭm cheăng, ngế krê ối iâ.

Phŏ Ngế pro xiâm hnê ngăn tơnêi têa pơkâ mâu khu xiâm, kơvâ cheăng, kong pơlê xing xoăng inhên mơngế, nhên tơdroăng cheăng, thăm châ tơƀrê pêi pro hnoăng pơkuâ tuăn ngôa rơkê ƀă mơ-eăm mơdêk tơdroăng châ tơƀrê tơpui ƀă pêi pro pơxâu tơdroăng xôi ki vâ iâ má môi 20% tâng pơchông ƀă hơnăm 2025.