Xông tơpui mơgêi, pôa Lê Minh Hưng, Ngế pro xiâm hnê ngăn tơnêi têa tối nhên, Hneăng hôp má XIV hiăng mơnhên “mơdêk tơpui kâ ƀă kong têa ê ƀă mot tơrŭm lâp plâi tơnêi cho hnoăng cheăng ki xiâm, đi đo”. Kố cho troăng pơhlêh troăng tơmiât pêi ton xŏn ki kal dêi Đảng, ăm hlo tơdroăng kheăn kơdeăn ƀă hnoăng cheăng, tíu cheăng ki kal dêi kơvâ tơpui kâ ƀă kong têa ê.

‘Na mâu hnoăng cheăng, troăng pêi ki xiâm tung la ngiâ, Ngế pro xiâm hnê ngăn tơnêi têa tối rơdêi pơkâ mơjiâng Đảng ƀô̆ krúa lĕm, krá rơdêi; Ki rơhêng vâ tối cho nhuô̆m, pêi tơtro tơdroăng mơjiâng Đảng, gâk kring kal kí tung khu, ki málối cho a mâu tíu ki kal, ai troăng pêi teăm tơdrêng ing rĕng, ing hơngế drêng ai tơdroăng ki nếo.

Tơdrêng amê, Khu xiâm tơpui kâ mơdêk pơhlêh xúa kŏng ngê̆ ƀă troăng pơkâ pêi xúa kŏng ngê̆, thâ mơjiâng pơkuâ xúa kŏng ngê̆, mơnhên ngăn, séa ngăn, pơkuâ, mơhnhôk tơdroăng po rơdâ, pêi pro mâu tơkêa, môi tuăn lâp plâi tơnêi ki má lối cho mâu tơkêa, môi tuăn klêi mâu roh lăm pôu dêi Kăn pơkuâ râ xiâm; tơdrêng amê tơkŭm hbrâ mâu tơdroăng dêi Khu râ kăn pơkuâ râ kăn xiâm tung la ngiâ.