Kăn xiâm hnê ngăn tơnêi têa pin rơkâu pôa Marc Knapper, Kăn teăng mâ hiăng pêi kêi đeăng hnoăng cheăng ƀă hên tơdroăng ki kal, tơdrêng amê vêh tối mâu troăng mơnhông mơdêk ki má môi tung tơrŭm cheăng Việt Nam – Mih tung pơla kố nah, ki rơhêng vâ tối cho péa tơnêi têa mơdêk tơrŭm cheăng to khu tơrŭm cheăng ton xŏn tâi tâng - râ tơrŭm kân má môi tung troăng hơlâ tơpui kâ dêi Việt Nam.

Kăn xiâm hnê ngăn tơnêi têa kheăn kơdeăn mâu tơdroăng veăng gum dêi pôa Marc Knapper  - Kăn teăng mâ tung tơdroăng mơdêk tơrŭm cheăng pơla péa pâ mơnhông mơdêk châ tơƀrê, krá tơniăn ƀă prôk trâu tiô tơdroăng ki nhuô̆m tơniăn krê, hnoăng pơkuâ, tâi tâng tơnêi tơníu ƀă troăng pơkâ pêi troăng kal kí dêi pó, djâ ki pơxúa păng ‘nâng ăm kuăn pơlê péa tơnêi têa.