Kăn xiâm pơkuâ hnê ngăn Đảng tơpui tơno ‘na mâu tơdroăng ki kân hiăng pêi pro klêi, pêi tŭm tâi tâng ki Việt Nam mơ-eăm pei klêi, mơjiâng tơdroăng, ivá xiâm, hnoăng cheăng, loi tơngah dêi kong têa ê môi tiah hâi kố; tối nhên troăng hơlâ tơpui kâ tơniăn krê, mơ-eăm xêh, hên kơvâ cheăng, hên tơdroăng tơrŭm cheăng tơpui kâ, tung mê, đi đo ngăn nhuô̆m tơrŭm cheăng ƀă mâu kong têa ki achê.

Pôa Anwar Ibrahim, Ngế pro xiâm hnê ngăn kong têa Malaysia tối tơbleăng ăm pôa Nguyễn Phú Trọng, kăn xiâm pơkuâ hnê ngăn Đảng ‘na klêi kơ’nâi rôh hôp tơpui tơno ƀă Việt Nam, tung mê, ai tơrŭm cheăng Đảng, tối ăm dêi rơpó ki rơkê tung pơkuâ ƀă mơnhông, tơrŭm cheăng kâ, tơrŭm ‘na lêng, gak kring ƀă  tung mâu kơvâ cheăng nếo môi tiah cheăng kâ kơxô̆, gak kring măng ƀă hbrâ ví ƀă túa ki pơloăng mơnúa gâk kring.

Ngế pro xiâm hnê ngăn Malaysia tói mâu tơdroăng ki tơpui tối ƀă kăn xiâm pơkuâ hnê ngăn Đảng ‘na tơdroăng hbrâ mơdât kâ kơluâ, ki ó a Malaysia ƀă rơhêng vâ péa pâ mơdêk tơrŭm cheăng, tối ăm dêi rơpó mâu tơdroăng ki rơkê dêi pôa Anwar Ibrahim cho tơdroăng ki vê hdró nếo, veăng kum mơdêk tơdroăng mơnhông dêi tơrŭm cheăng tung la ngiâ pơla péa tơnêi têa.