Sôk ro châ trâm pôa Klaus Zellmer, klêi rôh pêi cheăng a khế 1 kô nah drêng rôh lăm pôu Kŏng hòa Czech dêi pôa Phạm Minh Chính, Ngế pro xiâm hnê ngăn Chin phuh, pôa Phạm Minh Chính rơkâu Hngêi kơmăi ô tô Thành công Việt Hưng pơxiâm mơjiâng pro, hdró ki xông tơƀrê tung tơrŭm cheăng pơla Việt Nam ƀă Kŏng hoa Czech, malối klêi péa tơnêi têa vâ môi tuăn mơnhông tơrŭm cheăng tung tŭm tơdroăng.

Tối nhên, Chin phuh Việt Nam tơhrâ rơtế ƀă, tối ăm mâu khu mơdró, tơniăn ăm mâu khu mơdró kâ tro luât, pêi cheăng tơdrăng, pêi pơxúa; hbrâ tơmâng mâu tơdroăng veăng ‘no, mơnhông hlê plĕng, mơdêk ki tơƀrê tung tơrŭm cheăng, pôa Phạm Minh Chính, Ngế pro xiâm hnê ngăn Chin phuh pơkâ thế Skoda Auto mơdêk po rơdâ ‘no liăn pêi cheăng, tê mơdró ƀă tơrŭm cheăng bă khu mơdró Việt Nam tung kơvâ cheăng ‘na kơmăi kơmok mơjiâng pro ô tô; mơnhông hê̆ sinh thái kơmăi kơmok ô tô Việt Nam.