A hneăng hôp, pôa Trần Văn Sơn, Ngế xiâm pơkuâ Ƀơrô Chin phuh hiăng ai tơbleng pơkâ dêi Ngế pro xiâm hnê ngăn Chin phuh ‘na mơjiâng Hô̆i đong pơkuâ kơpong peăng mâ hâi lo pá hdroh tơnêi têa. Ƀă troăng tơmiât pêi mơnhông mơdêk kơpong peăng mâ hâi lo pá hdroh tơnêi têa thế cho kơpong mơnhông mơdêk ƀeăn ƀĕng, tíu xiâm cheăng kâ, liăn ngân, tê mdró, mơdró, hnê hriâm ƀă hnê mơjiâng tuăn ngôa rơkê, mơjiâng mơngế pêi cheăng rơkê, khoa hok – kŏng ngê̆, hơ’lêh nếo troăng tơmiât pêi, hơ’lêh pêi cheăng xúa kŏng ngê̆ má môi lâp tơnêi têa ƀă kơpong peăng mâ hâi lo pá hdroh châu Á, rak hnoăng ki kal tung tơdjêp mơnhông ƀă mâu kơpong cheăng kâ ki ê. Mơjiâng peăng mâ hâi lo pá hdroh tơnêi têa chiâng kơpong rơkê, tiô chal nếo, mot tơrŭm lâp plâi tơnêi.

A hneăng hôp, khu râ kăn pơkuâ mâu Khu xiâm, kong pơlê, mơngế rơkê, ngế cheăng khoa hok hiăng tơpui ‘na troăng tơrŭm cheăng ƀă mơhnhôk mơ’no liăn cheăng mơjiâng hngêi trăng, troăng klông kơpong peăng mâ hâi lo pá hdroh tơnêi têa tơdâng, tiô rơxông nếo. Pơkâ hnoăng cheăng pêi pro tơdroăng cheăng pơkuâ kơpong 6 khế mơ’nui hơnăm 2023; troăng pơkuâ, mơjiâng ƀă mơnhông mâu kơchơ kân tung kơpong chiâng mâu pơlê kong kân tiô rơxông nếo râ kơpong.

Pơkâ troăng pêi, troăng hơlâ ki phá tơ-ê peăng mâ hâi lo pá hdroh tơnêi têa vâ mơjiâng hngêi trăng, troăng klông, tíu kơdrâm kuăn pơlê krúa lĕm, tíu xiâm pơkuâ liăn ngân ƀă hía hé.