Kơxê hâi lơ 14/7, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp má 4 Khu hnê mơhno cheăng tơnêi têa tơbleăng pêi tơdroăng tơhrâ dêi Việt Nam a COP 26. A hneăng hôp, mâu kăn hnê mơhno hiăng hnê tối tơdroăng Tơkêa bro tơbleăng pêi Tơbleăng tơdrăng kal kí mơjiâng tơrŭm cheăng pơ’lêh on tơhrik tơdâng tơ’mô (JETP) tơmâng tối tơbleăng tơdroăng vâ pêi mâu tơdroăng tơhrâ dêi Việt Nam a Hneăng hôp COP 26 (Hneăng hôp rêm Pâ ki veăng tung tơdroăng Tơhrâ  Pơkâ dêi Khu lâp kong têa ‘na Hơ’lêh hyôh kong prâi 26).

‘Na tơdroăng pêi cheăng sap hơnăm 2022 troh nôkố, tơdroăng pêi pro tung hơnăm 2023 dêi Khu hnê mơhno ƀă Tối tơbleăng Tơdroăng tơkêa bro vâ tơbleăng pêi Tơbleăng kal kí mơjiâng tơrŭm cheăng hơ'lêh on tơhrik tơdâng tơ‘mô (JETP) ƀă tơpui ‘na tơdroăng mơhnhôk tăng xiâm pêi pro mơdêk ngiât lĕm dêi Việt Nam vâ pêi tiô tơdroăng tơhrâ a Hneăng hôp COP 26 ‘na mơ’no tah xok ‘mêi vêh “0” a hơnăm 2025; Pơkâ tơbleăng pêi Tơbleăng Glasgow dêi mâu khu kăn rak ngăn kong ƀă xúa tơnêi; mâu tơdroăng tơkêa bro kơdroh mơ’no hyôh ‘mêi ing kong ƀă ‘na chiâk deăng.