A roh hôp, mâu kăn Khu hnê mơhno hiăng tơpui tối mâu troăng pêi ki xiâm vâ mơnhông cheăng kâ krê. Tung mê, pơkâ thế tơkŭm ‘mâi rơnêu, pêi kêi đeăng, mơdêk ki dâi lĕm túa pơkâ pêi, rak tơniăn hnoăng tơniăn krê tê mơdró, tơxup tơbriât tơdâng tơ’mô hnoăng kế tơmeăm, hnoăng pơkuâ dêi cheăng kâ krê.

Xông tơpui a roh hôp, pôa Phạm Minh Chính, Ngế pro xiâm hnê ngăn tơnêi têa tối nhên: Tơdroăng tơnêi têa nôkố pơkâ thế hên hnoăng cheăng  châ tơƀrê hluâ pơkâ, mơnhông cheăng kâ dêi tơnêi têa. Tung mê, cheăng kâ krê cho khu ki xiâm mơjiâng tơmeăm khoăng, veăng gum kal khât tung tơtêk cheăng kâ, tăng cheăng pêi, mơdêk ivá pêi cheăng, mơdêk pơhlêh nếo tơmiât pêi rơkê ƀă mơdêk ivá tơbriât cheăng tơnêi têa.

Vâ mơjiâng tơdroăng ki mơnhông hluâ pơkâ pôa Phạm Minh Chính pơkâ thế pơhlêh tuăn tơmiât, mơjiâng tơdroăng ki môi tuăn ‘na hlê plĕng, mơnhông tơdroăng ki loi tơngah, mơjiâng tơdroăng ki mơnhông nếo, tơdroăng ki nếo vâ mơnhông cheăng kâ krê.