Tơdroăng tơkêa bro kố xŏn lối 110 km, troh nôkố hiăng châ 66% tơdroăng mơjiâng pro, tăng tơnêi pro troăng tơkâ hluâ 5 kong pơlê, Pơlê kong kân Cần Thơ, pơlê kong kơdrâm Hậu Giang, Bạc Liêu, Cà Mau ƀă Kiên Giang hiăng kêi đeăng 100%. Ngế pro xiâm hnê ngăn tơnêi têa kheăn kơdeăn tơdroăng mơ-eăm dêi kong pơlê Cà Mau tung tăng tơnêi ƀă pơxiâm mơjiâng pro Hngêi pơkeăng Cà Mau.

Ngế pro xiâm hnê ngăn tơnêi têa tối rơdêi: ‘’Vâ Cà Mau mơnhông mơdêk mê thế ai tơraih tơƀai, kơno tuk, troăng kân ăm phêp rơxế kơtâu têi’’, tơdrêng amê pơkâ mâu khu mơ’no liăn cheăng xúa mơngế pêi cheăng ƀă khu tê mơdró kong pơlê. Ƀă hiâm mơno ‘’kâ tơ-uân, koi iâ chôu, pêi cheăng tá kơhâi tá kơmăng’’, Ngế pro xiâm hnê ngăn tơnêi têa pơkâ thế Khu pơkuâ Mỹ Thuận mơdêk tơdroăng mơjiâng pro, châ pơkâ kêi đeăng tơdroăng tơkêa bro, djâ xúa a hâi lơ 19/12/2025.