A roh tơdah, pôa Phạm Minh Chính, Ngế pro xiâm hnê ngăn tơnêi têa mơnhên Việt Nam đi đo nhuô̆m tơrŭm cheăng nhŏng o tiô khôi hmâ vâi krâ nah lĕm tro ƀă Thụy Điển. Ngế pro xiâm hnê ngăn tơnêi têa phiu ro grup pơkuâ SYRE tiô tối hdrối mơ’no liăn cheăng tôh hơp vêh pro chế polyester a Bình Định ƀă ivá pro tâk troh 250 rơpâu tâ̆n/hơnăm, tiô troăng mơjiâng pro tơmeăm krúa lĕm, xúa tơmeăm ki hvât lôi tơdjâk pơchoh chêp ếo pơtâk, kum pro lĕm kong prâi tiô tơdroăng dêi mâu Hneăng hôp COP26 troh 28.

Ngế pro xiâm hnê ngăn tơnêi têa tối rơdêi, Việt Nam dế tơkŭm mơnhông mơdêk cheăng kâ, pơhlêh xúa on tơhrik krúa lĕm, mơnhên kố cho môi tung mâu tơdjâk nếo ăm tơtêk rĕng ƀă krá tơniăn, châ kơlo tơtêk GDP sap ing 8% tung hơnăm 2025 ƀă péa kơxô̆ tung mâu hơnăm la ngiâ.