Ngế pro xiâm hnê ngăn tơnêi têa tối Việt Nam đi đo rơtế ƀăng, veăng kum Lếo tiô ivá tơná vâ rơtế ƀă dêi rơpó tơkâ luâ xơpá, pơtối mơnhông mơdêk. Tung kơvâ ‘na pơkeăng pơlât, ki  hlo tâ cho tơrŭm tung tơdroăng khăm pơlât, hnê mơngế cheăng khăm pơlât, séa ngăn mơdât pơreăng ƀă kơjo kum mơdêk tơdroăng rak ngăn ‘na pơkeăng pơlât, tung pơla ai pơreăng kân COVID-19, mâu tơdroăng veăng kơjo kum vaccine, tơmeăm xúa ‘na pơkeăng pơlât, hnê tối ăm dêi rơpó ‘nâi ƀă ăm mâu ngế ki rơkê troh veăng kum hnê péa kong têa chôa lâng séa ngăn kâi mơdât ƀă tơkâ luâ pơreăng kân.

Tung la ngiâ, Ngế pro xiâm hnê ngăn tơnêi têa pơkâ thế péa Khu xiâm ngăn pơleăng tơrŭm ƀă mơjiâng pơkâ vâ pơ’lêh, tơbleăng pơxúa mâu tơdroăng tơhrâ tơrá mâu kăn dêi péa tơnêi têa; pơtối hnê túa cheăng, malối cho mơdêk pơ’lêh kơxô̆, khăm pơlât ing hơngế...; kơjo kum, pro tơ’lêi hlâu tung tơdroăng cheăng khăm pơlât ăm mâu kuăn pơlê dêi Lếo a mâu hngêi pơkeăng dêi Việt Nam; mơdêk hnê mơngế pêi cheăng khăm pơlât, po rơdâ  tơ’nôm mâu kơvâ hnê hriâm ƀă tơdroăng púi vâ nôkố dêi Việt Nam.