A roh trâm mâ kuăn pơlê, Ngế pro xiâm hnê ngăn tơnêi têa kheăn kơdeăn Pơlê kong kân Cần Thơ ƀă mâu khu xiâm, kơvâ cheăng hiăng pêi pro kơtăng mâu hnê mơhno dêi Ngế pro xiâm hnê ngăn tơnêi têa kơtăn kố lối 2 khế (drêng Ngế pro xiâm hnê ngăn tơnêi têa trâm mâ kuăn pơlê Cần Thơ hdrối hneăng hôp roh má 10, Kuô̆k hô̆i hneăng má XV) ‘na tơdroăng kêi đeăng mâu mơ-éa ki tơdjâk troh Tơdroăng tơkêa bro mơ’no liăn mơjiâng Hngêi pơkeăng pơlât Ŭm kơtuâ tung châ Cần Thơ nôkố.

Tối nhên tung la ngiâ tơkŭm pêi kêi đeăng mâu pơkâ, tơdroăng ‘mâi rơnêu pơkâ ing ‘’tíu kreăng’’ chiâng ‘’ki pơxúa, tơxup tơbriât tơnêi têa’’ vâ mơhnhôk mơngế pêi cheăng tung tơnêi têa ƀă kong têa ê, Ngế pro xiâm hnê ngăn tơnêi têa tối, tá khu cheăng kal kí pơlê kong kân, kuăn pơlê, khu tê mơdró thế veăng, mơjiâng ivá ó rơdêi xua “Mơngế pêi cheăng pơxiâm ing troăng tơmiât ƀă tơmiât pêi la ngiâ, ivá mơnhông pơxiâm ing tơdroăng pơhlêh nếo ƀă tơmiêt pêi rơkê, ivá ó rơdêi pơxiâm ing kuăn pơlê ƀă khu tê mơdró’’.