Rôh hôp po tung pơla tơrŭm tơrôa, tơpui tơdrăng. Péa Ngế kăn xiâm pơkuâ hnê cheăng Đảng  khĕn kơdeăn tơdroăng mơnhông tơƀrê dêi tơrŭm cheăng péa Đảng, péa tơnêi têa tung pơla hdrối nah tiô tơdroăng pơkâ ‘’6 lối’’. Mâu rôh tơpui tơno đi đo, tơrŭm cheăng kâ, tê mơdró pơtối tâk hên, tơdrêng ƀă hên tíu ki nếo tung tơrŭm cheăng mơhno túa lĕm tro, hnê hriâm, ôm hyô ƀă trâm tơpui tơno ƀă kong pơlê.

Péa pâ xuân tơrŭm krá mâu hneăng hôp hên pâ, pơtối rak tơpui tơno  ‘na mâu tơdroăng ki hâi tơpui klêi. Pôa Tô Lâm pơkâ thế mơdêk tơrŭm cheăng  tung mâu kơvâ ki xiâm mê cho cheăng lêng, tơpui tơno, kŏng ngê̆, pơ’lêh kơxô̆ ƀă kring vế hyôh kong prâi. Malối, pôa Tô Lâm tối nhên kal mơdêk troăng hơlâ troăng rơxế lơ treng Lào Cai- Hà Nội- Hải Phòng, mơdêk tê mơdró tơdâng tơ’mô ƀă ‘no liăn cheăng pêi tơƀrê.

Klêi hôp, péa kăn xiâm pơkuâ hnê ngăn cheăng Đảng hiăng hlo ƀă mâ tơbleăng 45 hlá mơ-éa tơrŭm cheăng châ kĭ, tối ki tơƀrê tâi tâñg dêi rôh lăm pôu.