Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa rơkâu mâu kăn châ rah xo pro Kăn teăng mâ a mâu kong têa: mơnhên kố cho tơdroăng ki hâk tơngăm tơdrêng amê xuân cho hnoăng kân kĭn ki Đảng, Tơnêi têa ƀă kuăn pơlê pơcháu ăm. Mâu kăn teăng mâ ôh tá xê to kông tơdjêp, mê ối cho mâu ngế thế pêi pro tơdroăng pêi pro troăng hơlâ dêi Đảng, Tơnêi têa, cho mâu ngế djâ troăng ahdrối tung tâi tâng tơdroăng tơpui kâ ƀă kong têa ê.

Ing mê, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế mâu Kăn teăng mâ châ rah xo mơnhông hiâm mơno ‘’Pơkuâ xêh, loi tơngah, mơ-eăm xêh, pro dêi tơná rế hía rế rơdêi, hâk tơngăm dêi hdroâng mơngế tơná’’, mơnhông hiâm mơno tơpui kâ ƀă kong têa ê rơxông nếo tơxâng ƀă râ mơnhông mơdêk, khôi túa lĕm ƀă tíu cheăng kal kí, cheăng kâ dêi tơnêi têa, mơdêk hnoăng cheăng, tíu cheăng dêi Việt Nam tung tơdroăng cheăng kal kí lâp plâi tơnêi.