A rôh tơdah, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối rơdêi tơrŭm cheăng lêng pơtối cho trăng xiâm ki kal, gum djâ tơrŭm péa tơnêi têa prôk trâu hơngế, păng ‘nâng, veăng gum tung hơniâp lĕm ƀă mơnhông dêi kơpong ƀă lâp plâi tơnêi. Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên, Việt Nam ngăn Mih cho môi tung mâu khu tơrŭm ki kal pêi cheăng ton xŏn má môi, pói vâ rơtế ƀă Mih pơtối pêi pro châ tơƀrê tơrŭm cheăng ton xŏn tâi tâng, djâ tơrŭm péa tơnêi têa mơnhông mơdêk păng ‘nâng, trâu rơdâ ƀă châ tơƀrê, xua pơxúa dêi kuăn pơlê péa tơnêi.

Đô đốc Paparo môi tuăn păng ‘nâng, trâu rơdâ ƀă châ tơƀrê, xua pơxúa dêi kuăn pơlê péa tơnêi têa. Đô đốc Paparo môi tuăn ƀă mâu pơkâ inhên dêi pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ‘na troăng mơdêk djâ tơrŭm péa tơnêi têa to a râ a ‘ngêi nếo, tơdrêng amê tơkêa Khu xiâm pơkuâ lêng Thái Bình Dương kô pơtối tơrŭm krá tơniăn ƀă Việt Nam vâ pêi pro châ tơƀrê mâu tơdroăng tơrŭm tŏng gum mơngế pá puât, tŏng gum drêng trâm tơdroăng xía vâ, mơdêk ivá pêi pro luât a têa kơxĭ.