Tơbleăng a rôh trâm mâ, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên mâu tơdroăng hlê plĕ ôh tá hâi tro, ai pơkâ cho rak tíu cho pơtăng kôm vâ troh dêi tơná ƀă ngăn hbrâ rah xo mê cho tơniăn krá kak ăm môi hnoăng cheăng, xúa châ rah xo mot tung inâi hbrâ rơnáu cho tơdroăng ki khu tơrŭm cheăng hlo tơxâng xuân môi tiah pơxiâm dêi môi rôh hriâm pât pêi cheăng kơtăng tơdrăng, pơloăng mơnúa hên tâ, séa ngăn nhên tâ nếo râ rah xo ah nếo.

Ing mê, pôa Tô Lâm pâ thế, vâ tối mâu kăn ƀô̆ mê ti lâi ôh ti xê ngăn to a hồ sơ lĕm, tơ’lêi hlâu, ngăn tơdjuôm, phĭu rah xo, tơdroăng rah xo lơ tơdroăng rah hdrối mê thế ai, mê thế tối nhên ƀă tơmeăm khoăng pêi pro, hnoăng cheăng ngế ki pêi mê hôm tơƀrê, hôm rơkê ƀeăn tung tơdroăng tơleăng mơnhên tơdroăng pá, kơlo ki loi nhoăm vâ rah xo, hôm hên ngế ki vâ tung khu pú hên, tung kuăn pơlê ƀă tơdrăng chêh ‘măn tung kơmăi dêi tơdroăng cheăng pêi kô tăng vâ mơnhên.