Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa veăng ai mâ ƀă tơpui a leh pơxiâm po lâm hnê. Lâm Hnê tơdroăng cheăng ăm 49 ngế hriâm, hriâm ing hâi lơ 14/10/2024 troh lơ 25/11/2024. Ki xiâm dêi tơdroăng cho 33 chuyên đề cho mâu tơdroăng ki kal xiâm ‘na tuăn mơ’no tơmiât, lĭ luâ̆n dêi Đảng; mơjiâng Đảng, Tơnêi têa ƀă khu pơkuâ tơdroăng kal kí; mơnhông cheăng kâ, túa lĕm tro, pơlê pơla; gâk kring cheăm bêng, gâk kring ƀă tơpui kâ; khoa hok pơkuâ, pơkuâ tung tơdroăng nếo.

Pôa Tô Lâm, Kăn xiâm pơkuâ hnê ngăn Đảng, kăn xiâm hnê ngăn tơnêi têa pơkâ thế, mâu ngế ki tối tơbleăng veăng hnê tối, tơbleăng tơdroăng ki kal dêi tơdroăng hnê tơ’nôm mâu tơdroăng kal ti lâi ăm ga tơƀrê, pơhlêh túa ki rơkê plĕng ƀă pêi cheăng chiâng túa rak vế túa tơmiât rơkê khoa hok tơxâng ƀă tơdroăng cheăng tung la ngiâ, kal tơtrŏng mơdêk khât tơdroăng ki hbrâ rơnáu, tơmiât rơkê dêi ngế ki rơkê, tơtrŏng tơrŭm pơla ngế ki hnê ƀă ngế ki hriăn ngăn, pêi pro tro túa pơkâ “hriâm rế prôk ƀă pêi”, lĭ luâ̆n tro ƀă pêi pro ki khât; hmâ pêi pro tơdroăng ki séa ngăn, tung pơla hriâm tâp, hriâm tâp túa rêh ối, túa pêi dêi ngế ki hriâm hngêi trung Đảng; pro tơ’lêi hlâu mâu tơdroăng vâ mâu ngế hriâm pêi pro rơkê má môi tung rôh hriâm.