Hôp tơno tơdroăng kal mơnhên, kheăn kơdeăn mâu tơdroăng châ tơƀrê má môi dêi khu Kŏng an kuăn pơlê tung pơla kố nah, mơnhên kố cho khu veăng gum kal khât tung tơdroăng châ tơƀrê dêi tơnêi têa. Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, sap apoăng hơnăm 2026 troh nôkố, Đảng ủi Kŏng an xiâm tơnêi têa pơtối mơnhông ihiâm mơno môi tuăn ƀă Đảng, tâi ihiâm ƀă kuăn pơlê, mơdêk pêi cheăng rơkê tơbleăng tơdroăng cheăng ton xŏn ƀă pêi pro châ tơƀrê mâu hnoăng cheăng ki xiâm.

‘Na tơdroăng pêi cheăng xiâm 6 khế mơ’nui hơnăm, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên mâu tơdroăng cheăng, tung mê, khŏm mơ-eăm pêi pro tơdroăng cheăng kring vế, gak ngăn tơnêi têa tro tiô troăng tơmiât, hlê plĕng nếo dêi Đảng, po rơdâ tíu gâk kring, thăm mơdêk ivá, rak krá tơniăn tơnêi têa tung rêm tơdroăng cheăng. Tơkŭm tơbleăng mơjiâng pơlê pơla rêh ối tro tiô tơdroăng pơkâ tơniăn lĕm, rơkê, tơdâng tơ’mô, mơnhông mơdêk.

Pơtối mơnhên inhên hnoăng cheăng djâ troăng hdrối pêi pro Tơdroăng pơkâ kơxô̆ 57 dêi Khu xiâm kal kí ‘na mơnhông mơdêk khoa hok kŏng ngê̆, pơhlêh nếo tơmiât pêi rơkê ƀă pơhlêh xúa internet.