Xông tơpui hnê mơhno a roh pêi cheăng, pôa Tô Lâm Kăn xiâm pơkuâ hnê ngăn Đảng, Kăn pơkuâ tơdroăng cheăng Đảng Mô đô̆i Tơnêi têa pơkâ thế: Khu mô đô̆i cho ‘’ngế hdrối hnêa kơ’nâi’’, thế tiô rơxông nếo kuăn mơngế hdrối tiô rơxông nếo pháu hnêa. Pơkâ thế Kơ koan xiâm kal kí kal thăm tơrŭm ƀă Khu xiâm tơbleăng tơdroăng kal tung mơjiâng mơngế pêi cheăng, ki má lối cho dâi lĕm tng tơdroăng cheăng lêng.

Pơtối pêi pro châ tơƀrê Tơdroăng tơkêa bro, troăng hơlâ mơhnhôk, xúa mơngế ki rơkê dêi Khu mô đô̆i kuăn pơlê Việt Nam troh hơnăm 2030, tơmiêt pêi troh hơnăm 2050. Kăn xiâm pơkuâ hnê ngăn Đảng mơnhên: ‘’Rêm kăn ƀô̆, mâu lêng thế ai hiêm mơno khên tơnôu kal kí thăm krá tơniăn, rơkê ‘na kih thuât ƀătroăng tơplâ, chiâng xúa pháu hnêa, tơmeăm ki nếo, rơxông nếo, tơmiêt pơhlêh nếo rơkê, chiâng xúa kŏng ngê̆ ƀă pơkuâ kŏng ngê̆ kơxô̆, hlê plĕng ‘na ngê̆ thuât cheăng lêng ƀă ivá môi tuăn tơplâ ai ivá lĕm krá tơniăn, ƀeăn ƀĕng, tơxâng pơkâ ki má môi dêi tơdroăng cheăng lêng’’.