A roh tơdah, pôa Tô Lâm mơnhên Việt Nam nhuô̆m mơnhông mơdêk tơrŭm cheăng ƀă Mih, pói vâ tơrŭm cheăng pơla péa pâ pơtối prôk trâu hơngế, châ tơƀrê ƀă tơniăn tung mâu kơvâ, ki rơhêng vâ tối cho ‘na cheăng kâ, tê mơdró ƀă mơ’no liăn cheăng, xua pơxúa dêi kuăn pơlê ƀă khu tê mơdró péa tơnêi têa.

Pôa Daniel Rosen tơkêa hbrâ mơdêk tơrŭm cheăng ‘na khoa hok kŏng ngê̆, tuăn ngôa rơkê, tơdjêp pơla mâu khu cheăng khoa hok Việt Nam ƀă mâu khu cheăng khoa hok Mih ƀă mâu kong têa, mơjiâng mâu tơdroăng tơkêa bro tơrŭm cheăng inhên môi tiah khoa hok, kŏng ngê̆, tuăn ngôa rơkê, pơkuâ rơkê. Pôa Daniel Rosen mơnhên tơkêa kô mơ-eăm pêi pro mâu tơdroăng tơkêa bro mơ’no liăn cheăng a Việt Nam, veăng gum tung tơdroăng mơnhông mơdêk dêi Việt Nam ƀă tơrŭm cheăng Việt Nam – Mih.