Pôa Tô Lâm, Kăn xiâm pơkuâ hnê ngăn Đảng tối ‘na péa tơdroăng pơkâ xiâm kân: troh hơnăm 2030 klăng leh tơbâ 100 hơnăm mơjiâng Đảng, ƀă troh hơnăm 2045 klăng 100 hơnăm mơjiâng tơnêi têa, ƀă troăng pêi cheăng ton xŏn pơhlêh troăng pêi cheăng kâ, mơnhông khoa hok kŏng ngê̆ ƀă rah xo bro lế lĕm tro khu pêi cheăng tơnêi têa.

-Pôa Tô Lâm, Kăn xiâm pơkuâ hnê ngăn Đảng trâm mâ pôa Ishiba Shigeru, Ngế pro xiâm hnê ngăn kong têa Nhuk

‘Na tơpui kâ ƀă kong têa ê, Việt Nam krá kâk tiô troăng tơniăn krê, pơkuâ xêh, hên troăng pêi, ngăn Nhuk cho khu tơrŭm cheăng ton xŏn tâi tâng kal má môi. Kăn xiâm pơkuâ hnê ngăn Đảng tối phiu ro drêng tơrŭm cheăng Việt Nam – Nhuk pơtối mơnhông tâi tâng, ki má lối cho klêi kơ’nâi péa tơnêi têa mơdêk tơrŭm to Khu tơrŭm cheăng ton xŏn. Tơrŭm cheăng trâu hơhngế tung mâu kơvâ cheăng kâ, pêi cheăng, hnê hriâm, pơhlêh ngiêt, pơhlêh xúa kŏng ngê̆ ƀă trâm mâ kuăn pơlê rế hía rế prôk trâu hơngế, kum tơbêng tuăn pâ tơrŭm nhŏng o krá tơniăn pơla péa tơnêi têa.