Kơxo lơ 14/7, a Hà Nội, pôa Trần Lưu Quang, Ngế pro xiâm phŏ hnê ngăn tơnêi têa, Ngế xiâm Khu hnê mơhno cheăng, pơkuâ po rôh hôp Khu hnê mơhno cheăng mơjiâng ƀă pơkuâ ngăn tíu pêi cheăng tung kơ koan, khu tơrŭm, tíu pêi cheăng kong lâp. Pôa Trần Lưu Quang, Ngế pro xiâm phŏ hnê ngăn tơnêi têa tối nhên troh tơdroăng pơkâ mơjiâng tíu pêi cheăng tơdrăng, tro tơdroăng pơkâ xúa kăn ƀô̆; cho tíu pêi cheăng kơdroh biê̆n chê̆ vâ mơdêk liăn khế bă mơdêk ki rơkê tung tơdroăng pơkuâ tơdroăng kal kí.

Pôa Trần Lưu Quang pơchân troh nôkố nếo chêh bro klêi khung vâ 63 to kong pơlê pêi, tung la ngiâ, Kơ koan Khu hnê mơhno cheăng kal tơkŭm hbrâ rơnáu tơrŭm ƀă mâu khu pơkuâ, kơvâ cheăng séa ngăn, pêi klêi ƀă môi tuăn pơkâ tơdroăng ki hnê mơhno ‘na tíu pêi cheăng kong chưk hnoăng cheăng kơvâ cheăng châ pơcháu pơkuâ ngăn sap ing tơnêi têa troh kong pơlê.