Tơbleăng a rôh pêi cheăng, Kăn xiâm hnê ngăn Kuô̆k hô̆i pâ thế mơnhên mâu tơdroăng  môi tiah: Tơdroăng chêh pơtroh nâl “tăng  séa ngăn tiô hồ sơ “chiâng” séa ngăn luât pơkâ”, hbrâ rĕng veăng  a tơdroăng ‘na luât pơkâ. Kăn xiâm hnê ngăn Kuô̆k hô̆i  tối nhên, Kuô̆k hô̆i hiăng vâ môi tuăn ƀă Chin phuh tơdroăng pơkâ mơjiâng luât thế ai tá hlá mơ-éa chêh luât, tơdroăng  chêh hnê mơhno  vâ pêi tơbrê.

‘Na séa ngăn tơdroăng tơkŭm po tơ’noăng ‘na luât, tiô Kăn xiâm hnê ngăn Kuô̆k hô̆i  kal thế mơnhên ƀă  tối ki kal tung séa ngăn hneăng pêi cheăng tung mâu kơvâ ‘na hngêi rak liăn, chứng khoăn, baoh hiêm, ‘no liăn mơjiâng tơmeăm khoăng tơnêi têa, liăn ngân, mâu tơdroăng tơkêa bro ki kal ƀă cheăng kâ krê dêi mâu ki mơdrŏng. ‘Na pơkâ tâk hên ƀă túa pêi ăm tâk nếo, Vi ƀan Cheăng kâ ƀă Liăn ngân kal thế tăng ‘nâi plĕng ăm Kuô̆k hô̆i  tung tơdroăng séa ngăn vâ tơniăn ‘na cheăng kâ kân, pro tro luât ‘na liăn ngân pêi cheăng - liăn ngân tơnêi têa, tơniăn ‘na chê̆n hnoăng, hlối pro ai luât pơkâ tŏng gum pêi cheăng tâk, hơ’lên nếo hriĕn plĕng ki nếo ƀă  rế hên mơngế pêi cheăng ki nếo.