A ngiâ um Pôa Hồ Chí Minh, Kăn xiâm hnê ngăn tơnêi têa hneăng hdrối, teăng mâ Đảng ủi Kuô̆k hô̆i ƀă mâu kơ koan Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng nhoăm pâ têk nhang, tơbâ ƀă tối mơnê khât hnoăng ki kân dêi Pôa ƀă tơdroăng cheăng kăch măng dêi Đảng ƀă hdroâng mơngế.

Kăn xiâm hnê ngăn Kuô̆k hô̆i tơhrâ, hơnăm 2026 kô rơtế ƀă Đảng ủi Kuô̆k hô̆i, kơ koan Kuô̆k hô̆i tơbleăng pêi tơƀrê tơdroăng Pơkâ hneăng hôp mâu kăn rôh 14 dêi Đảng ƀă tơdroăng cheăng pêi dêi Kuô̆k hô̆i tung mơjiâng luât, séa ngăn hlối pơkâ mâu tơdroăng ki kal. Malối, hbrâ ăm rôh tâ phĭu mâu kăn Kuô̆k hô̆i hneăng 16 ƀă Hô̆i đong kuăn pơlê rêm râ hneăng 2026-2031 ing tuăn tơmiât tơdjuôm, hlối rơtế ƀă Chin phuh vâ tah xơpá tơvâ tơvân dêi tơnêi têa tung pơla nôkố.