Tơpui a rôh leh, pôa Trần Thanh Mẫn, Kăn xiâm hnê ngăn Kuô̆k hô̆i khĕn kơdeăn, tơmâng xo, mơnhên tối khât ivá mơ-eăm ƀă mâu tơdroăng pêi pro tơƀrê dêi Khu ngăn kuăn pơlê pêi chiâk Việt Nam, dêi rêm ngế kăn ƀô̆, hô̆i viên kuăn pơlê pêi chiâk, Khu pêi cheăng tơrŭm pêi chiâk deăng dêi lâp tơnêi têa, malối cho 63 ngế krê, 63 to khu pêi cheăng tơrŭm rơkê kơhnâ châ ô eăng a rôh leh.

Ƀă mâu ngế krê, khu pú hên châ ô eăng, Kăn xiâm hnê ngăn Kuô̆k hô̆i pơkâ thế, kal pơtối djâ troăng ahdrối tung tơrŭm cheăng, tơrŭm pêt tê mơdró; pơtối pleăng ivá, pleăng tuăn ngoâ, hnê mâu tơdroăng ki rơkê plĕng, tŏng gum hên ngế ki ê, vâ ai tơ’nôm hên kuăn pơlê pêi chiâk mơ-eăm pro kro mơdrŏng tơxâng, hên Khu pêi cheăng tơrŭm pêi chiâk deăng blêi chiâng, vâ rơtế ƀă pơlê pơla pêi pro mâu tơdroăng vâ pơkâ pêi kơdroh kơtiê krá ton, mơjiâng thôn pơlê nếo.