Kố cho hneăng lăm pôu Áo ki apoăng dêi Kăn xiâm hnê ngăn Việt Nam tung 15 hơnăm hdrối ƀă cho tơdroăng cheăng tơpui tơno tơrá khu râ kăn xiâm hnê ngăn tơnêi têa ki apoăng pơla Việt Nam ƀă Italy ƀă Vatican tung 7 hơnăm hdrối kô hía nah, xuân cho rôh ki  kal má môi drêng troh tơbâ 50 hơnăm mơjiâng tơpui tơno ƀă 10 hơnăm tơrŭm cheăng kâ pơla Việt Nam - Italy.

Kơxê hâi lơ 23/7,  tiô chôu kong têa, klêi troh a pơlê xiâm Vienna, pôa Võ Văn Thưởng, Kăn xiâm hnê ngăn tơnêi têa hiăng trâm Kăn Teăng mâ Việt Nam a Áo ƀă tơdrốu Kăn teăng mâ Việt Nam a mâu kong têa EU ki ai tơdjuôm troăng tơkăng kong ƀă kong têa Áo, mê cho: Alơmăng, Ƀih, Czëch, Swiss, Hungary ƀă Slovakia .

Kố cho tơdroăng cheăng pêi ki apoăng tung tơdroăng lăm pôu kong têa Áo dêi Kăn xiâm hnê ngăn tơnêi têa. Pơtối mê, pôa Võ Văn Thưởng tơdah pôa Alfred Gerstl, Kăn xiâm hnê ngăn Tơrŭm cheăng pơla Áo-Việt Nam ƀă mâu ngế pú hmâ Áo.