Kơxê lơ 19/7, a Hngêi Kuô̆k hô̆i, pôa Vương Đình Huệ, Kăn xiâm hnê ngăn tơnêi têa trâm mâ Khu pơkâ pêi mơjiâng tiú kơdrâm kuăn pơlê rêh ối tê mơdró Việt Nam. Xông tơpui a roh trâm mâ, Kăn xiâm hnê ngăn Kuô̆k hô̆i tối rơdêi, Khu kal hơ’lêh nếo troăng tơmiât pêi ‘na pơkâ pêi tíu kơdrâm kuăn pơlê rêh ối tê mơdró, tơniăn pơkâ pro tíu kơdrâm kuăn pơlê rêh ối tê mơdró thế ai tơmiât pêi ton xŏn, tơdâng tơ’mô ƀă tiô rơxông nếo, xo kuăn mơngế ƀă ki dâi lĕm tơdroăng rêh ối pro tíu xiâm; khŏm tah lôi troăng tơmiât tiô hneăng, tơdroăng pơkâ lôi a mê, troăng pâ ăm pơxúa khu pú hên tung mơjiâng, hơ’lêh ƀă tơ’nôm pơkâ pêi.

Pôa Vương Đình Huệ tối nhên, ki kal dêi pơkâ, ki má lối cho pơkâ tíu kơdrâm kuăn pơlê rêh ối tê mơdró. Châ khât, 75% ki vâ ăm mơnhông lâp plâi tơnêi cho ing tíu kơdrâm kuăn pơlê rêh ối tê mơdró. A roh trâm mâ, mâu ngế tơrŭm dêi Khu hiăng veăng tơpui tung mâu tơdroăng tơkêa bro luât tơnêi tơníu (‘mâi rơnêu); Luât Hngêi ối, Luât pơkâ pro tíu kơdrâm kuăn pơlê rêh ối tê mơdró, Luât mơjiâng tơmeăm; Luât tê mơdró tơnêi ƀă hía hé.