Tiô tơdroăng pơkâ, Roh hôp Pêi cheăng kâ - Pơlê pơla Việt Nam hơnăm 2023 ai troăng hơlâ “Po rơdâ mơjiâng mơngế ki rơkê pro pơkuâ, hlê mơjiâng túa cheăng ki nếo ai ivá rơdêi vâ pêi lo hên liăn ngân - kế tơmeăm ƀă mơnhông krá tơniăn”.

Pôa Vương Đình Huệ tối tiah kố, Roh hôp kal athế tơpui mơnhên tơdroăng ki păng ‘nâng dêi Lâp plâi tơnêi, troăng hơlâ ki vâ hơ’lêh - pêi cheăng kâ ƀă pơloăng mơnúa ki nếo ƀă tơdroăng ki ‘mâi mơnhông, mơdêk pêi cheăng kâ ƀă ai tơdjâk troh a Việt Nam, hneăng hôp kal vêh mơnhên tŭm têk tơdroăng, tơtro tiô tơdroăng ki ai khât dêi pêi cheăng kâ dêi tơnêi têa tung 6 khế apoăng hơnăm 2023.

Tơdjâk troh Tơdroăng “Tah lôi tíu ki ối tơvâ tơvân, mơnhĕn, po rơdâ mơngế ki rơkê, veăng kum tơdroăng pêi cheăng kâ/khu mơdró kâ ki kân tơniăn ƀă kal tơkâ luâ mâu tơdroăng ki ối tơvâ tơvân, pơloăng mơnúa vâ “vêh tơdah xo nếo” tơdroăng ki tơtêk, ing mê, mơjiâng troăng prôk tung la ngiâ.

Mâu kăn xuân rơtế tối, vâ môi tuăn ƀă Tơdroăng “Kring vế tơniăn ăm tơdroăng cheăng pêi, kum ‘na tơdroăng rêh kâ ối pơlê pơla, veăng kum mơjiâng troăng hơlâ vâ thăm mơdêk pêi lo kế tơmeăm, liăn ngân ƀă mơnhông krá tơniăn ton”, ƀă hnối pơkâ thế thăm mơdêk ki rơkê plĕng dêi mơngế pêi cheăng, pêi pro tiô troăng tơdjâ pơkâ ‘na ƀao hiêm pơlê pơla, rak vế tơniăn tơdroăng cheăng pêi, hbrâ rơnáu pêi troh tơdroăng ki pêi lo liăn ngân krá tơniăn.