Drêng troh hâi pôa Wan Muhamad Noor Matha châ Kuô̆k hô̆i kĭ pôk pro Kăn xiâm hnê ngăn Kuô̆k hô̆i kong têa Siam, teăng mâ Kuô̆k hô̆i tơnêi têa Kŏng hoa  xah hô̆i chuh ngiah Việt Nam ƀă tơná kăn xiâm, pôa Vương Đình Huệ, Kăn xiâm hnê ngăn Kuô̆k hô̆i hiăng pơtroh kơthô rơkâu. Tung kơthô ai chêh, Kăn xiâm hnê ngăn Kuô̆k hô̆i phiu ro hlo tơdroăng tơrŭm pơla péa tơnêi têa ƀă tơrŭm cheăng pơla péa Kơ koan mơjiâng luât dêi péa tơnêi têa tối krê hiăng ôh tá la lâi pơtê ‘mâi mơnhông, rế loi nhoăm dêi rơpó.

Pôa Vương Đình Huệ, Kăn xiâm hnê ngăn Kuô̆k hô̆i púi vâ tơrŭm cheăng krá ƀă pôa Wan Muhamad Noor Matha vâ mơdêk tơrŭm cheăng pơla péa Kuô̆k hô̆i, veăng mơnhông tơrŭm cheăng pơla Việt Nam - Siam rế mơnhông tơƀrê, xua vâ pro pơxúa ăm kuăn pơlê péa tơnêi têa, xua vâ pro hơniâp lĕm, tơniăn, mơnhông khu kong têa tung ASEAN xuân môi tiah tung kơpong châu Á - Thái Bình Dương  ƀă tung lâp plâi tơnêi.