Kuăn pơlê loi tơngah khât tung mâu tơdroăng pơkâ tŏng gum ki kal dêi Hneăng hôp, hngế tâ nếo cho mâu troăng prôk mơnhông nếo dêi tơnêi têa. A pơlê cheăm Dak Lak, tơdroăng ki ro koh hâk Hneăng hôp khu kăn lâp tơnêi têa rôh má XIV dêi Đảng châ mơhno ƀă mâu tơdroăng cheăng pêi ki lĕm tro mê trâu rơdâ.

Ing hlá cơ khêi kơneăng pa ngiâ kuât troh idrâp chêng koăng, xiâm drôu ƀă túa kơhnhon xuăng tâ tá on, vâi krâ nhŏng o mâu pơlê cheăm pơtroh tơdroăng loi, tơngah a Hneăng hôp Đảng.

A kong pơlê Gia Lai, lâp lu mâu troăng prôk, kơpong kuăn pơlê ối, tíu pêi cheăng kơ koan pơrá eăng to mơngiơk hlá cơ, ƀang rôl, chư chêh hnê tối.

Sap ing mâu troăng prôk kĭng têa kơxĭ troh kơpong kơphô̆, kơpong hngế hngo tơkăng kong, tơnêi tơníu châ ‘mêng pro rơnuâ lĕm, tơdjâk tơdroăng koh hâk tơdroăng cheăng kal kí dêi tơnêi têa.