Tối tơbleăng a rôh hôp ăm hlo tơrŭm cheăng kal kí pơla péa tơnêi têa pơtối châ ‘mâi mơnhông; mâu tơdroăng tơkêa pơla khu râ kăn xiâm châ tơbleăng pêi kơhnâ, tung pơla tơrŭm cheăng lêng, gâk kring pơtối cho tơdroăng cheăng xiâm ki kal. Mâu khu xiâm, kơvâ cheăng, kong pơlê ƀă khu mơdró kâ péa tơnêi têa hiăng tơpui tơno hên troăng hơlâ vâ mơdêk ki tơƀrê tung tơrŭm cheăng pơla hơnăm 2026 – 2035.

Phŏ Ngế pro xiâm hnê ngăn tơnêi têa pơkâ thế mâu kơ koan ki ai tơdjâk mơdêk rơdêi pêi pro mâu tơdroăng tơkêa, túa pơkâ tơrŭm cheăng ki hiăng kĭ; rĕng hriăn ngăn, tối tơbleăng mâu tơdroăng tơkêa ‘no liăn cheăng ki kân dêi khu mơdró kâ Việt Nam a Lếo tung kơvâ chiâ xo kế tơmeăm tung kơdâm tơnêi, pêi chiâk ƀă kơmăi kơmok.

Tơdrêng amê hlối mơdêk rĕng tơdroăng pêi pro mâu tơdroăng tơkêa tơdjêp troăng prôk ki kal môi tiah troăng kân ăm rơxế kơtâu têi Hà Nội – Vientiane ƀă troăng rơxế lơ treng Vũng Áng – Vientiane.