Rơtế ƀă lâp tơnêi têa, tơheăm chôu kơxo lơ 18/7, Hô̆i đong tơ’noăng mơgêi râ má pái phôh thong hơnăm 2023 kong pơlê Kon Tum hiăng tơbleăng điêm tơ’noăng râ má pái tiô hâi khế dêi Khu xiâm pơkuâ hnê hriâm ƀă hnê mơjiâng tuăn ngôa rơkê.

Pơtối mê Kơxô̆ châ plah mơgêi râ má pái phôh thong hơnăm kố kong pơlê Kon Tum châ 98,74% tâk 1,0% tâng pơchông ƀă hơnăm 2022. Tíu tơdâng môn tơ’noăng mơgêi râ má pái châ 6,19 điêm. Riân dêi Khu xiâm pơkuâ hnê hriâm ƀă Hnê mơjiâng tuăn ngôa rơkê ăm hlo kong  pơlê Kon Tum tâk 6 râ ‘na điêm tơdâng mơgêi râ má pái phôh thong hơnăm 2023 tâng pơchông ƀă hơnăm 2022, ối má 2 tung kơpong Tây Nguyên.

Hneăng tơ’noăng mơgêi râ má pái phôh thong hơnăm 2023 tơkŭm po sap hâi lơ 28 – 29/6/2023 kong pơlê Kon Tum ai 5.028 hok tro veăng tơ’noăng, tung mê, ai lối 1.700 hok tro hdroâng kuăn ngo. Hok tro veăng rah mơgêi râ má pái phôh thong cho 4.843 ngế hok tro. Lâp kong pơlê ai 12 tíu tơ’noăng ƀă 224 kơbong tơ’noăng. Hneăng tơ’noăng châ mơnhên tơkŭm po tơniăn, kơtăng ƀă tro pơkâ.