A roh hôp, pôa Lại Xuân Môn, Phŏ kăn pơkuâ hnê mơhno má môi Khu pơtâng tối ƀă Mơhnhôk kuăn pơlê Tơnêi têa kheăn kơdeăn mâu kơ koan, tíu pêi cheăng hiăng hbrâ pêi pro mâu hnoăng cheăng tiô tơdroăng pơkâ mơ’no. Tối nhên tung hâi khế sap ing kố troh Hneăng hôp Kăn teăng mâ lâp tơnêi têa roh má 14 dêi Đảng ối iâ, pôa Lại Xuân Môn pơkâ mâu kơ koan, tíu pêi cheăng mơnhông hnoăng tơkŭm hên pêi pro kơtăng mâu hnoăng cheăng, tung mê: rĕng séa ngăn hbrâ ƀăng; mâu tíu cheăng kô chiâng pro rĕng pơtroh vâ mơnhên tơdroăng ki kơchuâ bro.

Mâu kơ koan pêi kêi đeăng tơdroăng pơkâ mơ’no, tơniăn ki dâi lĕm, châ tơƀrê; teăm tơdrêng tơpui tơno ƀă Khu pơtâng tối tơdroăng kal ƀă Mơhnhôk kuăn pơlê Tơnêi têa, Khu kăn pơkuâ Tíu xiâm Hlá tơbeăng Hneăng hôp 14 dêi Đảng ‘na mâu tơdroăng ki nếo ai.