Pêi pro Tơdroăng pơkâ dêi Kuô̆k hô̆i, troh nôkố lâp tơnêi têa hiăng tah lôi ƀă ai mơnhên la ngiâ tah lôi ăm 5.200 tơdroăng tơkêa bro, tơnêi tơníu ƀă 70 rơpâu hectar hiăng châ djâ xúa... A hneăng hôp, pôa Phạm Minh Chính, Ngế pro xiâm hnê ngăn tơnêi têa tối, nôkố lâp tơnêi têa kal 3.000 tơdroăng tơkêa bro ki pá puât, tơvâ tơvân.

Mâu khu xiâm, kong pơlê thâ pêi pro pơkâ troăng pêi la ngiâ, troăng pêi tah lôi pá puât, tơbleăng inhên ‘na hnoăng tơleăng. Tơdjâk troh tơdroăng pêi pro tơdroăng pơkâ xiâm tơnêi têa, Ngế pro xiâm hnê ngăn tơnêi têa pơkâ thế Khu xiâm pơkuâ ‘na pêi chiâk deăng ƀă Kong prâi thâ mơjiâng tơbleăng hriăn plĕng chiâng pêi pro, tơbleăng pơkâ mơ’no liăn Tơdroăng xiâm tơnêi têa hneăng hơnăm 2026 – 2030, tung khế 1/2026, ing tơdroăng xing xoăng, xing xoăng hnoăng hên ăm mâu kong pơlê.

Tơkŭm mơjiâng tơdroăng pơkâ pêi ai nôkố tơdroăng ki xiâm, tơtro ƀă tơdroăng nôkố dêi rêm kơpong, rêm kong pơlê; ví pêi pro utâi utá, troăng pêi, kơjo mâu tíu ki pá puât; Tơkŭm mơjiâng mâu troăng pêi krá tơniăn, tơtêk krúa lĕm ƀă tơdjêp ki kơnâ; tơkŭm pơhlêh troăng tơmiât, mơdêk hlê plĕng, mơhnhôk djâ, mơhnhôk vâ kuăn pơlê loi tơngah hlŭn ing kơtiê, tơ’noăng pro kro mơdrŏng.