A rôh hôp, mâu kăn hiăng tơpui ‘na mâu tơdroăng ki dế pơkâ tung tơdroăng hnê mơhnhôk, mơjiâng krá “tuăn loi dêi kuăn pơlê”  ƀă tơdroăng pêi pro dêi mâu lêng, cheăng lêng tung tơdroăng ki nếo. Mâu krâ pơlê, kăn thôn, pơlê, ki kuăn pơlê pâ nhoăm, mâu ƀok, mâu ngế tiô khôp kơhnâ rơkê “mơngế tơrŭm” tung kuăn pơlê ƀă cho kông ki tơdjêp krá pơla Đảng, mâu kăn, mâu lêng ƀă kuăn pơlê.

Đăi tươ̆ng Nguyễn Trọng Nghiã mơnê ƀă khĕn kơdeăn mâu hnoăng veăng ‘no ki kal dêi mâu krâ pơlê, mâu ngế kuăn pơlê pâ nhoăm, mâu ƀok, mâu ngế cheăng ‘na loi tĭng tiô khôp tung hơnăm kố nah.

Đăi tươ̆ng tối troăng ki kal má môi dêi Đảng, Tơnêi têa ƀă mâu Lêng: kuăn pơlê đi đo rak ki xâm, cho xiâm dêi rêm troăng hơlâ, luât pơkâ cho xiâm ki rơdêi pơkâ tŭm tơdroăng hơ’lêh nếo, mơnhông tơƀrê dêi tơnêi têa.

Đăi tươ̆ng púi vâ tung la ngiâ, mâu krâ pơlê, kăn thôn, mơngế kuăn pơlê pâ nhoăn, mâu ngế cheăng loi tĭng, mâu ƀok, yah chĭng,  pơtối rak hnoăng cheăng tơná, rơtế ƀă mâu lêng ƀă mâu kăn cheăm bêng kong pơlê tơrŭm veăng tơmâng tŏng gum tung rêh ối, hnê hriâm kuăn ‘nĕng, rak tơniăn pơlê pơla, pro xiâm krá kak vâ mơnhông kơpong Tây Nguyên.