Vi ƀan kuăn pơlê kong pơlê Lâm Đồng hnê mơhno pơxâu phâk mơngế ki hrik xo prêi hmâng vâ
Thứ sáu, 10:00, 25/04/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê hâi lơ 24/4, a rôh tơdah ƀă pêi cheăng tiô rơnó dêi Kăn hnê ngăn Vi ƀan kong pơlê Lâm Đồng, mâu khu mơdró tơtrâ tơdroăng xo prêi hmâng vâ tơnêi tơdroăng tơkêa bro ki pin châ ăm.
Jâ Nguyễn Thị Thu Thủy - Ngế xiâm pơkuâ Kŏng ti pêi cheăng tiô rơnó Vitrac Lâm Đồng - tơtrâ tơdroăng xo prêi hmâng vâ a tơnêi ai tơdroăng tơkêa bro châ ăm phêp dêi khu mơdró. Rêm tíu pêi cheăng djâ kơmăi hrik xo prêi hmâng vâ xuân tro khu mơngế mơdât, tung pơla mê tơdroăng xo prêi hmâng vâ hlo a ngâ ôh tá kơtôa, hiăng ton, pro lŭp tơmeăm khoăng, ‘mêi hyôh kong prâi.
Pơtối tơmâng xo mâu tơdroăng nếo ai, pôa Võ Ngọc Hiệp - Phŏ Kăn hnê ngăn Vi ƀan kong pơlê - pơkâ thế Vi ƀan tơring Dà Huoai thâ séa ngăn, pơxâu phâk kơtăng mâu ngế ki pro xôi luât, tối nhên ki ăm xo mê kăn ƀô̆ ki lâi, tơbleăng ăm Vi ƀan kong pơlê hdrối hâi lơ 15/5 vâ ai troăng pơxâu phâk kơtăng.
Viết bình luận