Mê cho: Pơkâ ‘na cheăng séa ngăn dêi Kuô̆k hô̆i; Pơkâ ‘na cheăng séa ngăn dêi Hô̆i đong hnê ngăn kuăn pơlê ƀă Pơkâ ‘na séa ngăn mơ-éa luât pơkâ. Tơdroăng pơkâ mâu tơdroăng Pơkâ ôh ti xê teăng mâu mơéa hiăng tâi hâi khế xêt, mê ối ‘mâi mơnhông tơdroăng ki ôh tá tơdrăng, ôh tá tơdjâk tung pêi pro ki ai khât séa ngăn hâi khế tung pơla hdrối nah.

Ing mê. mơdêk tơƀrê, xêt tơdroăng séa ngăn, thăm mơnhông pơxâu phâk, séa ngăn hnoăng pơkuâ, tơdrêng amê hlối mơdêk hnoăng cheăng hbrâ rơnáu, pôu râng dêi Kuô̆k hô̆i ƀă Hô̆i đong hnê ngăn kuăn pơlê rêm râ. Xuân a kơxê hâi ki mê, Vi ƀan pơkuâ cheăng Kuô̆k hô̆i tơbleăng Pơkâ ‘na ki tro rơkê tíu pêi cheăng ƀă Pơkâ xoăng kơphô̆; Tơdroăng cheăng dêi Vi ƀan pơkuâ cheăng Kuô̆k hô̆i hơnăm 2026; Mơgêi Hneăng hôp rôh má 10, Kuô̆k hô̆i hneăng XV ƀă ăm rơkong tơpui ki apoăng ‘na tơdroăng hbrâ vâ po Hneăng hôp rôh má môi, Kuô̆k hô̆i hneăng XVI.