VOV4.Xơ Đăng - Klêi kơ’nâi hnê tối, mơhnhôk, 13 rơpŏng kuăn pơlê ối a cheăm Cư Drăm , tơring Krông  (Dak Lak) hiăng môi tuăn, xo liăn tŏng kum nhiê hngêi lăm  pro rêh ối a tíu ki nếo ƀă pơcháu tơnêi ăm mâu tíu vâ mơjiâng pro  Tơdroăng tơkêa bro troăng kân tơdrăng Lĕm Khánh Hòa - Buôn Ma Thuột.

VOV4.Xơ Đăng - Drêng troh “Khế pêi pro xua vâi hdrêng”, kơxê hâi lơ 28/5, a tíu pêi cheăng Kăn xiâm hnê ngăn tơnêi têa, pôa Tô Lâm trâm mâ khĕn kơdeăn mâu vâi muăn kuăn cháu mâu kŏng an ki hlâ ai hnoăng, mâu kuăn roăng dêi vâi kơdrâi kŏng an, kuăn roăng dêi mâu kŏng an cheăm ƀă kuăn roăng dêi mâu kăn ƀô̆ mâu lêng kŏng an ki châ kâ pri tơnêi têa, ƀă lâp plâi tơnêi.

VOV4.Xơ Đăng - Hâi kố, lơ 29/5, Hneăng hôp má 7, Kuô̆k hô̆i hneăng má XV mot hâi pêi cheăng má tơchên, tơkŭm tơpui tơno a hngêi hôp kân ‘na mơnhên tơ’nôm tơdroăng châ tơƀrê pêi pro Pơkâ mơnhông cheăng kâ – rêh ối pơlê pơla ƀă liăn ngân Tơnêi têa hơnăm 2023; tơdroăng pêi pro pơkâ mơnhông cheăng kâ – rêh ối pơlê pơla ƀă liăn ngân tơnêi têa mâu khế apoăng hơnăm 2024.

VOV4.Xơ Đăng - Kơxo lơ 28/5, pôa Phạm Minh Chính, Ngế pro xiâm hnê ngăn tơnêi têa veăng Hneăng hôp tơbleăng pơkâ pro kong pơlê Ninh Bình hneăng hơnăm 2021 – 2030, tơmiât pêi troh hơnăm 2050.

VOV4.Xơ Đăng - Kơxo lơ 28/5, Khu pơkuâ hnê ngăn cheăng Đảng kong pơlê Kon Tum hiăng tơkŭm po Leh tơbleăng ƀă diâp Pơkâ dêi Khu xiâm kal kí môi tuăn pôa U Huấn, Ngế ki hbrâ vâ mot tơ’nôm tung Khu pơkuâ hnê ngăn Đảng to pro Kăn phŏ pơkuâ hnê ngăn cheăng Đảng kong pơlê Kon Tum.

VOV4.Xơ Đăng - Kơxo lơ 28/5, Khu ngăn vâi kơdrâi kong pơlê Dak Lak tơkŭm po rôh hôp tơpui tơno ăm rơkong veăng tối ‘na Kơxop hlá mơ-éa Luât hbrâ mơdât tê roê mơngế.

VOV4.Xơ Đăng - Kơxê lơ 27/5, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hiăng tơdah jâ Manuela V.Ferro, kăn xiâm phŏ hnê ngăn Hngêi rak liăn lâp plâi tơnêi dế pôu, pêi cheăng a Việt Nam.

VOV4.Xơ Đăng - Kơmăng hâi lơ 27/5, a cheăm Tịnh Biên, kong pơlê An Giang hiăng pơxiâm pro leh po kơchơ tê mơdró tơkăng kong lâp plâi tơnêi Tịnh Viên- An Giang  hơnăm 2024.

VOV4.Xơ Đăng - A Rôh hôp “Mơdêk rơkê mâu ngế pêi cheăng Tơnêi têa hơnăm 2024” xua Khu xiâm ngăn pêi cheăng Việt Nam tơkŭm po, Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng, kơ koan, kong pơlê chêh tơkŭm tŭm mâu rơkong pơkâ mơ’no đoân viên, ngế pêi cheăng vâ chêh pro klêi troăng tŏng kum.

VOV4.Xơ Đăng - Kơxo lơ 27/5, pôa Trần Hồng Hà, Ngế pro xiâm phŏ hnê ngăn tơnêi têa pơkuâ roh hôp tơdrêng, hlối mơ’no tơdrêng tung um tiô troăng hyôh măng lâp tơnêi têa ‘na mơ-éa chêh hdrối Pơkâ pơkuâ ƀă mơjiâng hngêi ối pơlê pơla.