VOV4.Xơ Đăng - Hneăng plâ ƀlê trâng Ƀuôn Ma Thuột hâi lơ 10/3/1075 hiăng mot tung tơdroăng chêh tối tung kơxôp hlá mơ-éa roh nah dêi khu lêng tung hneăng tơplâ xâ tŏng xo, kring vế dêi Tơnêi têa, ƀă tơdroăng ki pơxúa kân khât cho pơxiâm po ăm hneăng ƀlêi trâng ăm Tâi tâng hneăng xông pơplâ xâ a rơnó Hơngui hơnăm 1975, pro tơleăng lĕm tâi tâng peăng Hdroh, mơjiâng tơnêi têa tơrŭm chiâng môi. Ing môi pơlê kong krâm ki kŭn, Ƀuôn Ma Thuột hâi kố hiăng chôa ‘lâng mơjiâng chiâng ngiâ méa ki nếo mê cho pơlê kong kơdrâm ki ngiât-hên loăng nhâ-rơkê plĕng - rak vế túa tơlá - khŏm chiâng Kơphô̆ ki xiâm dêi kơpong Tây Nguyên.

VOV4.Xơ Đăng - Kơxo hâi lơ 8/3, tiô chôu tơnêi têa, a pơlê kong xiâm Canberra, tung hneăng lăm pôu Australia, Ngế pro xiâm hnê ngăn tơnei têa Phạm Minh Chính lăm pôu pêi cheăng a Tôh Tí tăng hriăn plĕng ‘na Khoa hok ƀă kơmăi kơmok Khu ki rơkê ƀă ai tŭm tơmeăm tơdjuôm pơxá (CSIRO).

VOV4.Xơ Đăng - Kơxo lơ 8/3, a Pơlê kong kân Hải Phòng, Kơpong tơ’noăng 5 to pơlê kong kân ối tung tơnêi têa, mê cho: Pơlê kong kân Hồ Chí Minh, Hà Nội, Hải Phòng, Đà Nẵng, Cần Thơ tơkŭm po Rôh hôp mơgêi pêi pro tơkêa tơ’noăng hơnăm 2023 ƀă kĭ tơkêa tơdroăng tơ’noăng hơnăm 2024.

VOV4.Xơ Đăng - Kơxê hâi lơ 7/3, a hngêi Kuô̆k hô̆i, pơlê kong xiâm Canberra, Australia, Ngế pro xiâm hnê ngăn Chin phuh Phạm Minh Chính hiăng hôp tơpui tơno ƀă Kăn xiâm hnê ngăn kuô̆k hô̆i râ má môi Australia, jâ Sue Lines.

.VOV4.Xơ Đăng - Kơxê lơ 8/3, Kăn xiâm hnê ngăn Kuô̆k hô̆i Vương Đình Huệ tơdah kăn teăng mâ Sinuâ a Việt Nam Hùng Ba a Hngêi Kuô̆k hô̆i vâ tơpui tơno ‘na tơrŭm cheăng péa Đảng, péa tơnêi têa ƀă kơ koan mơjiâng luât péa tơnêi têa.

VOV4.Xơ Đăng - Kơxê lơ 8/3, a Hà Nội, Tiêuh ƀan Mơ-éa ki kal Hneăng hôp má 14 dêi Đảng xua pôa Nguyễn Xuân Thắng, Kăn cheăng tung Khu xiâm kal kí, Kăn pơkuâ Hok viê̆n Kal kí tơnêi têa Hồ Chí Minh, Kăn xiâm hnê ngăn Hô̆i đong tơpui leăng Tơnêi têa, Khu hnê mơhno má môi Tiêuh ƀan, Tôh trương Tôh rah chêh Mơ-éa ki kal Hneăng hôp má 14 pro kăn pơkuâ, hiăng pêi cheăng ƀă Khu xiâm pơkuâ cheăng kâ Tơnêi têa.

VOV4.Xơ Đăng -  Vi ƀan hnê ngăn kong pơlê Dak Lak nếo mơhnhôk rôh tơ’noăng ki kân vâ koh tơbâ  120 hơnăm Hâi mơjiâng kong pơlê ƀă pơxiâm Tơ’noăng tăng ‘nâi plĕng mâu tơdroăng tung pơla 120 honăm mơjiâng, mơnhông tơƀrê kong pơlê Dak Lak.

VOV4.Xơ Đăng - Drêng troh tơbâ 114 hơnăm hâi vâi kơdrâi lâp plâi tơnêi lơ 8/3, kơxê hâi lơ 7/3, a tíu pêi cheăng Chin phuh, Kăn pơkuâ hnê ngăn Đảng, Ngế pro xiâm phŏ hnê ngăn Chin phuh Lê Minh Khái trâm mâ rơkâu kăn teăng mâ vâi kơdrâi ki rơkê kơhnâ ƀă hlối diâp pri Kovalefskaia hơnăm 2023.

VOV4.Xơ Đăng - Kơxê hâi lơ 7/3, a hngêi Kuô̆k hô̆i, pơlê kong xiâm Canberra, Australia,  Ngế pro xiâm hnê ngăn Chin phuh Phạm Minh Chính hiăng hôp tơpui tơno ƀă Kăn xiâm hnê ngăn kuô̆k hô̆i râ má môi  Australia, jâ ( Xu-lai) Sue Lines .

VOV4.Xơ Đăng - Klăng hâi lâp plâi tơnêi vâi kơdrâi 8/3 ƀă xông tơplâ xâ Hai Bà Trưng, kơxê măng hnah (7/3) a Hngêi Kuô̆k hô̆i, Kăn xiâm hnê ngăn Kuô̆k hô̆i Vương Đình Huệ trâm mâ kơdrâi Kăn teăng mâ Kuô̆k hô̆i pêi cheăng a râ xiâm Tơnêi têa ƀă kơdrâi pro Kăn hnê mơhno, pơkuâ râ tơdroăng cheăng dêi Ƀơrô Kuô̆k hô̆i, Kơ koan xiâm hriăn plĕng luât.