VOV4.Xơ Đăng - Kơxê lơ 4/3, a Hà Nội, Ngế xiâm pơkuâ Kŏng an Tô Lâm tơdah Kăn teăng mâ Mih a Việt Nam Marc Knapper.

VOV4.Xơ Đăng - Kơxê hâi lơ 4/3, a tíu pêi cheăng xiâm Khu ngăn tơpui kâ tơnêi têa, pôa Lê Hoài Trung, Kăn hnê ngăn Tíu xiâm Đảng, Ngế xiâm ngăn ‘na Tơpui kâ tơnêi têa, hiăng tơdah Ngế xiâm phŏ hnê ngăn má môi Ngế xiâm tơpui kâ Rusi Vladimir Titov dế lăm pôu pêi cheăng a Việt Nam vâ tơpui tơno ‘na troăng tơpui kâ - cheăng lêng- kring tơniăn  Việt Nam - Rusi rôh má 13.

VOV4.Xơ Đăng - Kơxo hâi lơ 4/3, pêi pro tiô pơcháu dêi Khu xiâm Kŏng an, kŏng an kong pơlê Dak Nông tơkŭm po leh diâp mơhá dêi khu xiâm Kŏng an ăm mâu tíu pêi cheăng ki ai hnoăng pêi cheăng kơhnâ tung tơdroăng hbrâ, plâ mơdât mâu nki ai xôi, rak tơniăn a pơlê cheăm.

VOV4.Xơ Đăng - Kơxo lơ 4/3, Ngế pro xiâm hnê ngăn Chin phuh Phạm Minh Chính prế Kơdrâi pôa rơtế ƀă khu kăn xiâm Việt Nam lăm veăng hôp a Rôh hôp khu râ kăn xiâm tơbâ 50 hơnăm tơrŭm cheăng ASEAN – Australia, pôu păng ‘nâng Australia ƀă pôu păng ‘nâng New Zealand ing hâi lơ 5 troh lơ 11/3/2024.

VOV4.Xơ Đăng - Kơxo lơ 4/3, Kăn xiâm hnê ngăn Kuô̆k hô̆i Vương Đình Huệ hiăng veăng Leh phiu ro mơjiâng pro kêi đeăng Hneăng má I, Kơpong hngêi kơmăi kơmok, tíu kơdrâm kuăn pơlê rêh ối ƀă tê mơdró Becamex VSIP Bình Định, ối tung kơpong cheăng kâ Nhơn Hội cheăm Canh Vinh, tơring Vân Canh, kong pơlê Bình Định.

VOV4.Xơ Đăng - Kơxo lơ 4/3, a pơlê kong kơdrâm Plei Ku, kong pơlê Gia Lai, khu ki pêi dêi hnoăng cheăng dêi Khu hnê mơhno Tơdroăng pơkâ dêi Đảng Hneăng hôp 14, xua pôa Nguyễn Trọng Nghĩa – Ngế xiâm Khu pơtâng tối tơdroăng kal tơnêi têa, ngế cheăng tung Khu, pơkuâ po Rôh hôp veăng ăm rơkong tơpui tối ăm kơxop hlá mơ-éa đề cương pơchuât tơbleăng dêi Khu hnê mơhno mâu kong pơlê kơpong Tây Nguyên.

VOV4.Xơ Đăng - 70 hơnăm hdrối nah, Điện Biên Phủ cho tơnêi tíu ki rơhĭng rơhối, khéa kho xua tơdroăng ki tơplâ tơplong pro tơ’nhê, tơdroăng rêh ối dêi kuăn pơlê trâm hên pá puât pá kâi tối. Laga, ƀă ivá kơdo mơ-eăm dêi tơdroăng tơrŭm tâi tâng kuăn pơlê, Đảng ƀô̆, Khu kăn pơkuâ ƀă Kuăn pơlê mâu hdroâng kuăn ngo tung kong pơlê hiăng ‘no dêi tâi tâng ivá, môi hiâm mơno mơnhông Điện Biên Phủ chiâng môi pơlê kong kơdrâm ki rơdêi nếo, châ chăn nếo, ngiâ méa nếo bâ eăng a kopong peăng mâ hâi lu dêi Tơnêi têa.

VOV4.Xơ Đăng - Mơ’nui măng tĭng hdrối, a tíu pêi cheăng Chin phuh, Ngế pro xiâm hnê ngăn Chin phuh Phạm Minh Chính pơkuâ Roh hôp Chin phuh tiah hmâ khế 2/2024.

VOV4.Xơ Đăng - Pơtối rôh pêi dêi hnoăng cheăng a mâu kong pơlê tung kơpong a kĭng têa kơxĭ Nam Trung Ƀộ, kơxo lơ 3/3, Kăn xiâm hnê ngăn Kuô̆k hô̆i Vương Đình Huệ hiăng veăng hôp a Rôh hôp tơbleăng Túa pơkâ ƀă Mơdêk ‘no liăn cheăng kong pơlê Phú Yên hơnăm 2024.

VOV4.Xơ Đăng - Kơxo lơ 3/3, a Hà Nội, Khu pơkuâ Chin phuh hiăng ai rôh trâm mâ apoăng rơnó hơngui mâu khu mơdró kâ tơnêi têa ki kơhnâ rơkê. Ngế pro xiâm hnê ngăn Chin phuh Phạm Minh Chính ƀă mâu Ngế pro xiâm phŏ hnê ngăn tơnêi têa: Lê Minh Khái, Trần Lưu Quang rơtế pơkuâ po rôh trâm mâ.