VOV4.Xơ Đăng - Hâi lơ 12/1, a Tíu pêi cheăng dêi Pơlê kong kân Hồ Chí Minh po Hôp tơpui tơno rôh má 18 pơla péa Đảng Kŏng sản Việt Nam ƀă Đảng kŏng sản Sinuâ ƀă pơxá “tơdroăng cheăng ƀă troăng rơhlâ mơdêk kring vế hyôh kong prâi tung mơjiâng, tiô túa nếo tơnêi têa”.

VOV4.Xơ Đăng - Peăng kơxê ƀă kơxêi măng hâi lơ 12/1, a thông Nông Kon, Khu xiâm pơkuâ ngăn Mố đô̆i gak tơkăng kong dêi kong pơlê Kon Tum tơrŭm ƀă Vi ƀan cheăm tơkăng kong Đăk Dục , tơring Ngọc Hồi tơkŭm po Tơdroăng ‘’ Rơnó hơngui mâu lêng tơkăng kong tơtô kuăn pơlê” rơtế ƀă “ Hâi leh pro kơ ƀăn chưng ngiêt’’ Tết lo hơnăm nếo Giáp Thìn hơnăm 2024.

VOV4.Xơ Đăng - Kơxo hâi lơ 12/1, a tíu pêi cheăng dêi Kăn xiâm hnê ngăn tơnêi têa, Kăn xiâm hnê ngăn tơnêi têa Võ Văn Thưởng kô pơkuâ leh tơdah Kăn xiâm pơkuâ kong têa Indonesia Joko Widodo pôu râ kăn xiâm troh Việt Nam.

VOV4.Xơ Đăng - Kơxo lơ 12/1, a Hngêi Kuô̆k hô̆i, xua tơdroăng pơkuâ po dêi Kăn xiâm hnê ngăn Kuô̆k hô̆i Vương Đình Huệ, Vi ƀan pơkuâ Kuô̆k hô̆i hiăng hôp ăm rơkong tơpui tối rôh má 2 ‘na tơdroăng tơpui tối leăng, tơmâng xo, ‘mâi rơnêu kơxop hlá mơ-éa Luât mâu khu tơrŭm ăm mung liăn ki ‘mâi hơ’lêh.

VOV4.Xơ Đăng - Kơxê hâi lơ 11/1, a tíu pêi cheăng Kăn xiâm hnê ngăn tơnêi têa, Kăn xiâm hnê ngăn tơnêi têa Võ Văn Thưởng tơdah Ngế cheăng tung khu xiâm kal kí, Kăn hnê ngăn Đảng, Ngế cheăng hnê mơhno xiâm Đảng Kŏng sản Sinuâ Lý Thư Lỗi ƀă Khu kăn Đảng Kŏng sản  Sinuâ dế lăm pôu pêi cheăng a Việt Nam.

VOV4.Xơ Đăng - Kơxê lơ 11/1, a Hà Nội, Khu xiâm pơkuâ Kŏng an tơkŭm po Leh tơbleăng pơkâ mơjiâng ƀă mơhno mâ tíu pêi cheăng Kan sát rak hơniâp lĕm kơxô̆ 1.

VOV4.Xơ Đăng - Maluâ dế hriâm râ phôh thong lơ hriâm đăi hok, hên hok tro, sinh viên hdroâng kuăn ngo a Dak Lak mơeăm, hriâm tâp vâ tăng ăm dêi tơná mâu tơdroăng ki hlê plĕng, hriâm mâu tơdroăng tơpui ƀă tơdroăng rơhêng vâ pleăng hnoăng ăm pơlê pơla, pơlê cheăm tơná tung la ngiâ. Kố cho “mâu kơpâu reăng ki lĕm” dêi pơlê cheăm, veăng kum pơtroh mâu tơdroăng ki rơhêng vâ, pơxiâm ăm tơdroăng ki rơhêng vâ mơeăm troh a hngế ăm rơxông hơnăm ối nếo.

VOV4.Xơ Đăng - Kơxo lơ 11/1, a Hà Nội, Ngế pro xiâm hnê ngăn tơnêi têa Phạm Minh Chính veăng ƀă hnê mơhno Hneăng hôp mơgêi tơdroăng pêi cheăng hơnăm 2023 ƀă pêi pro hnoăng cheăng hơnăm 2024 dêi Khu xiâm pơkâ túa cheăng ƀă mơ’no liăn cheăng.

VOV4.Xơ Đăng - Kơxo lơ 10/1, tung tơdroăng pêi cheăng a kong pơlê Hải Dương, Ngế pro xiâm hnê ngăn tơnêi têa Phạm Minh Chính pôu, hbru tơmeăm mơhnhôk kăn ƀô̆, kŏng nhân, ngế pêi cheăng a kong pơlê Hải Dương.

VOV4.Xơ Đăng - Hâi lơ 19/1, a Pơlê kong kân Hải Phòng khu tơkŭm po hneăng hôp tối tơbleăng tơdroăng cheăng  mơnhông cheăng kâ, rêh ối, cheăng lêng - kring tơniăn pơlê kong kân hơnăm 2024.