VOV4.Xơ Đăng -  Khu pơkuâ hnê hriâm – Hnê mơjiâng tuăn ngôa rơkê Dak Lak kô hriăn plĕng pơkâ pơ’lêh troăng rah xo hok tro lâm 10 THPT hngêi trung tơnêi têa ing troăng rah xo mê tơ’noăng vâ châ mot hriâm tung hơnăm 2024 – 2025.

VOV4.Xơ Đăng - Kơxo hâi lơ 19/10, tiô chôu kong têa, Phạm Minh Chính, Ngế pro xiâm hnê ngăn tơnêi têa veăng hôp ƀă tối tơbleăng a hneăng Hôp Khu mơdró Việt Nam - Saudi Arabia hlối hlo ƀă mâ Leh kĭ tơhrâ mâu hlá mơ-éa tơrŭm cheăng pơla khu mơdró péa tơnêi têa.

VOV4.Xơ Đăng -  Kơxê hâi lơ 19/10, a pơlê kong xiâm Bắc Kinh, pôa Võ Văn Thưởng, Kăn xiâm hnê ngăn tơnêi têa hiăng tơdah Kăn xiâm dêi mâu Grup pêi cheăng má môi dêi Sinuâ.  

VOV4.Xơ Đăng - Kơxo lơ 19/10, a Hà Nội, pôa Vương Đình Huệ, Kăn xiâm hnê ngăn Kuô̆k hô̆i veăng Leh tơbâ 60 hơnăm hâi mơjiâng khu lêng tơƀai tơplâ (22/10/1963 – 22/10/2023).

VOV4.Xơ Đăng - Drêng veăng hôp mâu kăn xiâm tơrŭm cheăng lâp plâi tơnêi “Troăng tâ tá ƀă Troăng prôk xiâm” rôh má 3, kơxo hâi lơ 19/10 ( tiô chôu tơnêi têa), pôa Võ Văn Thưởng - Kăn xiâm hnê ngăn tơnêi têa  hiăng trâm pôa Thongloun Sisoulith, Kăn xiâm hnê ngăn  Đảng - Kăn hnê ngăn kong têa Lếo.

VOV4.Xơ Đăng - Kơxo hâi lơ 19/10 a tíu pêi cheăng Kăn xiâm hnê ngăn tơnêi têa, jâ Võ Thị Ánh Xuân, Kăn xiâm phŏ hnê ngăn tơnêi têa trâm mâ Khu kăn ngăn vâi kơdrâi dêi Khu xiâm pơkuâ ƀă ‘no liăn cheăng mơdró krê drêng troh leh tơbâ Hâi mơjiâng Khu vâi kơdrâi Việt Nam  lơ 20/10.

VOV4.Xơ Đăng - Vâ mơdêk tơrŭm cheăng vâ rơtế mơnhông tơƀrê, kơxo hâi lơ 19/10, a pơlê kong kơdrâm Kon Tum, khu kăn xiâm kong pơlê Kon Tum ƀă Khu kăn xiâm kong pơlê Ratanakiri, kong têa Kul hiăng po hneăng hôp tối mâu tơdroăng cheăng kâ - rêh ối tơrêm kong pơlê, tối mâu tơdroăng cheăng pêi tung tơrŭm pơla péa kong pơlê hơnăm hdrối nah, tối tơdroăng vâ pêi tung tơrŭm cheăng la ngiâ ƀă tơhrâ tung Hlá mơ-éa hneăng Hôp tơpui tơdroăng mơdêk tơrŭm cheăng pơla 2 kong pơlê pơla hơnăm 2023-2028. 

VOV4.Xơ Đăng - Kơxo hâi lơ 18/10, a tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng tơdah pôa Prak Sokhonn, Ngế cheăng tung tíu xiâm, Ngế xiâm tơpui kâ dêi Đảng Kuăn pơlê Kul (CPP), pôa Norodom Sihamoni, Ngế xiâm tơpui kâ dêi kong têa Kul.

VOV4.Xơ Đăng - Klăng roh veăng Hneăng hôp tơpui tơno khu râ kăn xiâm Troăng pakĭng ƀă Troăng kân roh má 3, kơxê lơ 18/10 (chôu kong têa ki mê), pôa Võ Văn Thưởng, Kăn xiâm hnê ngăn tơnêi têa hiăng tơdah pôa António Guterres, Kăn xiâm chêh tơm xo rơkong Khu lâp kong têa.

VOV4.Xơ Đăng - Kơmăng hâi lơ 18/10, tiô chôu kong têa, pôa Phạm Minh Chính, Ngế pro xiâm hnê ngăn Chin phuh hiăng tơdah khu kăn dêi Grup Ajlan ƀă Bros.